Velkommen til Kom og Dans Aurland!
Hos oss kan du bli med på dansekurs og dansekveldar i swing, gammaldans og linedance. Vår faste dansedag er mandagar i Aurland idretts- og samfunnshus (AIS), i tillegg til enkelte dansekveldar og dansehelger.
DANSEKVELDAR
I samarbeid med Spelemannslaget inviterer vi til dansekveld den første torsdagen i månaden.
Vi spelar swingmusikk frå kl 19.00, og så blir det gammaldans med spelemannslaget frå kl 20.00. Her er alle velkomne, anten du deltek på kurs eller ikkje. Det blir servering av kaffi og kake.
Dansekveldar i 2021 blir torsdag 4. november og torsdag 2. desember.
KURS HAUSTEN 2021
Samfunnet har endeleg opna opp og vi kan danse normalt igjen! Vi gledar oss over at alle igjen kan danse med alle, og slår på stortromma med nye grunnkurs i både linedance, swing og folkedans!! 🙂 Her er det moglegheit for tre timar dansing på mandagar etter haustferien.
Programmet blir som følger:
8. vekers dansekurs mandagar frå 18. oktober
18.00 – Enkel linedance for alle
19.oo – Swing begynnerkurs
20.00 – Folkedans grunnkurs
Meld deg på eitt, to eller alle tre kursa! På alle kursa er nye hjarteleg velkomne, du treng ikkje å ha tatt eit einaste dansesteg før. På linedancekurset vil det stort sett bli nye dansar, så både nye og gamle stiller likt. På swingkurset blir det litt nytt også for dei som var med på kursrunda sist haust, så håpar å sjå også dykk igjen! 🙂 Du treng ikkje eigen dansepartnar for å melde deg på – endeleg kan alle danse med alle! 🙂
Pris per dansestil totalt for alle 8-vekene:
Vaksen 200 kr.
Student 100 kr.
Vi takkar Aurland kommune og FolkOrg for støtta som gjere til at vi kan tilby så billige prisar! 🙂
